烧鸭嘅皮水有好多种，唔同师傅有唔同嘅皮水配方，有d师傅钟意浓皮水，中大火嚟烧，烧干d，食起身会更香。亦都有d师傅钟意淡d嘅皮水嚟烧，色泽更加金黄，油光擸擸靓，皮色好睇，当然，冇话边个好边个差，师傅自己钟意，习惯就好，你钟意点样嘅皮水烧制呢？  [擢此浏览详情]

有人问，点解鸭下巴要斩开攞嚟卤啊，感觉到斩左鸭下巴嘅鸭唔新鲜，会唔会有人嫌弃呢？我就唔明了，斩左鸭下巴同鸭系咪新鲜有半毛钱关系咩？反而鸭下巴肉多，如果攞嚟卤嘅话，下酒咁先至系最靓嘅，系咪先？  [擢此浏览详情]

食烧鹅系好多广东人嘅首选，但系唔同地方都会有独当一面嘅特色，例如江门人就话，江门嘅古井烧鹅全广东最出名，鹅靓、肉嫩、皮爽、汁鲜甜。而东莞嘅朋友就话，东莞嘅荔枝柴烧鹅远远吊打其他地方嘅烧鹅，烧制方法独特，荔枝柴烤制香味更浓，各位，你钟意点样嘅烧鹅多啲呢？  [擢此浏览详情]

最近，好多网友评论，话色水红润嘅叉烧就一定系放咗颜料色素，其实对于冇做过烧腊嘅外行人，我可以理解，话晒佢哋对餐饮常用嘅调味，同上色嘅用料都唔了解，所以习惯用肤浅嘅眼光嚟判断事物系好正常嘅，你觉得叉烧上色，要做到红润嘅效果，系咪一定要放颜料色素呢？  [擢此浏览详情]

好多人唔理解，点解广东人炒菜、做卤水、做烧腊都要落糖，系咪广东人钟意甜味嘅菜呢？你知唔知糖喺餐饮中嘅作用系咩呢？点解广东人钟意煮餸嗰阵落糖呢？欢迎大家给出你嘅见解。  [擢此浏览详情]

有人话，喺自己心目中，乡下嘅嘢系最食嘅，这句话冇任何毛病，但系唔好攞嚟同人哋嘅嘢做比较，就好似北京人话北京填鸭最好食，而广东人讲广东烧鸭最好食，所以唔同地方嘅人呢，都有自己钟意嘅地方特色，但唔代表其它地方类似嘅嘢就唔好食，因为唔同地方嘅人喜好都唔一样，正所谓众口难调，就系呢个道理啦。  [擢此浏览详情]

好多喺广东嘅粤菜烧腊师傅，其实好大一部分嚟自广西，有人对比过广东烧腊同广西烧腊嘅口味，得出嘅结论系，广西烧腊偏咸香，而广东嘅系偏甜，对于呢个结论，你认同吗？  [擢此浏览详情]

有人问，而家嘅快餐几多钱一份，我就话18-20蚊一份，佢哋话，哎，而家嘅快餐太贵了，真系有啲食唔起啊！喂，大佬，而家啲铺头租、物价、人工、设备都贵，如果仲喺十年前嘅8蚊到12蚊一份嘅快餐，你觉得仲有钱赚咩？  [擢此浏览详情]